Í morgun áttum við yndislega stund saman, börn, foreldrar og starfsfólk í tilefni af Degi leikskólans sem er 6. febrúar ár hver. Við vorum með fallega vinastund í garðinum þar sem kveikt var á kerti fyrir hvert barn í kertakrukku sem börnin höfðu málað sjálf.

Þegar búið var að kveikja á kertunum voru sungin nokkur falleg vinalög. Að lokum tókum við á móti Grænfánaskilti, sem er tákn um árangursríka fræðslu og umhverfisstefnu í leikskólanum. Fulltrúi Landverndar afhenti okkur Grænfánaskiltið og tóku nokkur stolt börn af elstu deildinni á móti honum

Takk fyrir komuna kæru foreldrar